港女潮文是也。事主因與公主(事主女友之友人)同行,行程中不堪受屈,更不堪女友在友人面前受屈,故發信號召各方英雄商討對策。

一笑置之亦可。




http://www18.discuss.com.h...

(文章經blog主重新整理排版,使之更易閱讀)

話說十月頭我與女友A小姐, 女友之舊同事D小姐及我的大學同學L先生一同去日本自由行,心想這個組合兩年前也曾經跟團到過泰國,應該問題不大!好可惜,事與願違:

事件一:計劃出發日期
由於D小姐要十二月考試,所以十一月唔得。只可揀十月去旅行,十月尾係女友PEAK SEASON,所以都唔得。到最後,揀了十月八至十二日,不過D小姐又話十月中要交REPORT,怕趕唔切,一定要提早一天(即係十月七日至十一日)。不過因為十月六號L先生要做兄弟,應該會飲到好夜,只好救救D小姐幫手盡早做完個REPORT。不過D小姐卻說:我覺得我的工作較為緊要,L先生去飲只係去玩,唔會讓步。心想,人地去飲無得揀日期GA?你唔早一點做個REPORT,卻迫人唔好去飲?最後,好好人的L先生也讓步了,佢無去飲陪我地去旅行。


事件二:黑面
計劃中,有一天的行程會男女分開購物,不過因為我們帶去的手提電話只有一部WORK。為免失散,我們最終決定減少行程一齊出發。第一站去淺草,由於D小姐一O的興趣都無,所以一路上不斷黑面,不斷問行完未。由於去淺草是L先生提出的,沿路都唔好意思出聲。之後去上野及涉谷買手送,D小姐立刻開心哂,使唔使咁現實呀?

由於時間有限,最後去唔到六本目,當提出唔去六本目時,D小姐立刻黑面並以埋怨的態度說:都叫你地唔好去淺草啦!唔家點算丫?大佬呀!去淺草係因為朝早無鋪頭開,無PLAN過行程就唔好嘈啦!我女友為免傷和氣,就提出明天再去,D小組也勉強收火。之後,沿途去東京鐵塔不斷黑面並冷言冷語話唔上去鐵塔,係塔下等。


事件三:買完自己想買的東西即走
其中一天去秋葉原,D小姐會去的原因係想幫佢弟弟買限量版的高達。行了差不多一個小時,D小姐因為太貴所以放棄買了,並提出立即離開。大佬呀,行了成個鐘幫你找高達,我自己想找的玩具都未找到,想睇的電玩都未睇過就走?使唔使嚼完即鬆呀?最後我提出半小時後火車站等,我同L先生只好急急買O野,去到火車站遲了10分鐘,立刻黑面!

第二天去完築地,立刻趕去D小姐想去的六本目買叮噹,每人俾了240YEN搭地鐵及行了一個小時終於到東京電視台。不過,D小姐只係在那裏影了幾張相及買了一條電話繩。我當時真係無明火起,你要我地幾個俾了四十幾蚊車錢及每人來回近2小時的步程,只買了一條電話繩?你無O野呀?

好戲在後頭,我同L先生都好喜歡影相,心想反正俾了車錢來到,不如行下影幾幅靚相吧!不過當我提出在附近行一會兒後,D小姐立刻高聲講:我唔理點行都好,留番兩個鐘俾我行新宿SHOPPING。嘩!只餘下兩個多小時就上火車去箱根,咪即係叫我地立刻走LOR。最後,為免女友難做,我忍我走!!


事件四:不顧別人感受
去到新宿大約中午12點,O的女仔話分頭行動。因為要趕2點41分的火車去箱根,所以我地約好2點30分係車站等,事先已講明唔可以遲到,因為一遲到會遲一個鐘先去到目的地。好可惜,最後佢地2點45分慢慢抵達。我見到D小姐雙手拿滿袋,已經明白問題出於佢身上。最後,因為佢遲到,我地遲了50分鐘先到達箱根,佢依舊當無事發生,沿車上開開心心拿著戰利品開來觀看。後來,從女友口中確認佢地遲到係因為D小姐,遲到的時候更打趣問我女友:你估班男仔會唔會鬧你丫?因為D小姐明知我唔會鬧佢,所以我無佢乎!忍!還有一天!


事件五:莫不關心人
因為我的舊患,大腿行得多會流血。自由行的頭三天每天由上午八時行到晚上十時,沿路我不斷買膠布,更不斷貼膠布強忍痛楚。不過三天以來,唔好話多謝的說話,就連關心的說話一句也無。只要我行得慢一點,就以唔耐煩的態度及眼神對待!我內心不斷說服自己,可能D小姐無留意先會咁對我姐。不過,到後來佢竟然問我借膠布,哈哈!


事件六:無理的堅持
抵達日本後,她就有很多無理的堅持。堅持要去自己想去的地方,堅持要食自己想食的食物,即使找不到,也堅持要大家陪佢找。就好似之前所講堅持要找叮噹,要找BURBERRY BLUE LABEL,要找一百YEN店。最深刻莫過於一百YEN店,當時還有十分鐘一百YEN店就關門,我們找不到上去的方法,最後D小姐見到一條後樓梯,立刻上去。

大佬呀!我地係一樓,間一百YEN店係八樓,你大小姐唔係要我地一齊陪你行七層呀?好彩最後俾我找到部LIFT,
如果唔係應該隻腳唔使要。到最後入閘上機,因為我地還未買夠手信,所以好想去免稅店買,D小姐又出手,佢今
次話要買M記包喎!心想忍了你4天半,忍埋你今次啦,我只好提出我地去TOILET,你去買包啦!D小姐話我兩樣都想去!大家去完TOILET,佢依舊堅持要買包,OK,我話你去買包,我地3個入閘後等。入到去當然立刻買手信,佢十分鐘後買完個包番來,嬲包包咁行埋來話我地仲乜唔等佢,自己去O左買手信。我最終忍不住了,大聲講了句:點知你買包食埋要幾耐呀?我地無理由3個傻仔係閘口等你買包丫?

結果,D小姐立刻用女仔GA絕招----> 眼淚。上到機更以一招怒目斜視對付我!




其實我真的好唔開心,D小姐一定唔認為自己做錯,只會話我蝦佢。到最後,又會俾說話我女友班FRIEND聽。我女友又一定唔敢係班FRIEND面前話佢唔O岩,最終又會係我女友受委屈。佢係旅行已經受盡D小姐的冷言冷語,我唔想佢再受委屈,大家有乜辨法呀?我知我無辨法解釋,大家可否幫我一個忙將這封信FORWARD俾你身邊的朋友,希望女友的朋友會睇到,明白整件事的經過。救救大家幫幫手!謝謝!

最後,經過這次旅行後,我同女友的感情好了好多,可能係見到個反面教材掛!大家少了要求,多了付出。
奇文共賞 | 評論(9) | 引用(0) | 閱讀(12919)
遊客神探
2009/05/17 22:42
港女大都如此,隨着港男紛紛北上娶妻,今後氣焰可能會比較收歛.
BBBBB
2008/10/23 17:35
No method la...your girlfriend can choice friends ga ma....
And she is adult..can protect herself and keep away from this mad lady la...if she don\'t leave...means...she feels OK lor...smoke
BBBBB
2008/10/23 17:30
This really a mad and disgust woman la...Your girlfriend should be abandon this sick guy la....  If I were you....I will...

kill her long long time la....
小燕
2007/11/13 22:01
BLOG 主很久沒見啦~
久違了來一次你的 BLOG 看到很滴汗的東東 XD
看完超想爆粗!= = 女人的恥辱啊。。。

嗚嗚 = = 為什麼我要是個住在香港的女生。。。XD\"
小狼 Homepage
2007/10/27 20:29
齋睇已經覺得夠難頂。有呢種事真係唔好彩……
佢根本唔會認為自己有錯,真係唔知有咩辦法……@@\'\'\'
小樓
2007/10/24 07:59
呢d女仔真係好難頂,佢點衰都算,明明無理果時仲要用眼淚先難頂,搞到反而係自己錯咁=.=
2007/10/17 18:21
錯link啊~=v=\"

前幾日係高登都見過, 只可以說是不幸。
以前那個與港女遊泰國好似仲慘XD\"
beck 回覆於 2007/10/18 00:09
當時搬字過紙沒留意,已修正.= =\\
小魔事典已被納入《港女聖經》廣為流傳,還請各位自由行前,小心小心.
Alfred
2007/10/17 13:36
GarlicdogBloom
Alfred
2007/10/17 13:35
onion dog bloom
分頁: 1/1 第一頁 [1] 最後頁
發表評論
表情
emotemotemotemotemot
emotemotemotemotemot
emotemotemotemotemot
emotemotemotemotemot
emotemotemotemotemot
開啟HTML
開啟UBB
開啟表情
隱藏
暱稱   密碼   遊客無需密碼
網址   電郵   [註冊]
               

驗證碼 請輸入左側的字母,大小寫不視為相異