東瀛怪奇商品

| |
不指定 2010/06/26 11:03 [潮流]



東瀛怪奇商品

屋主案:民主黨變臉,我在理性及感情上都無法接受,弄得最近沒心情寫文,請各blog友見諒。

天下無奇不有,日人最懂化腐朽為神奇。一些怪奇商品,大概只有日本才有市場,這與強調日本獨特及優秀的「日本人論」拉上關係。以前在日留學時參加homestay,鄉間純樸的日人常問我們:「在你的國家雞是如何叫?」的「低B問題,然後迫我們扮雞叫,最後日本人會示範日本雞的「獨特」叫法。其實各地的雞叫本無不同,只是聽者受心理及文化背景的影響,令他們有不同的感受而已。日本的自然風土不但與民族主義關係密切,也成當代商品經濟的一部分。以下的商品令人拍案驚奇:



(1) 富士山空氣

富士山五合目及山頂的空氣,認為是清純,可醒腦提神。





(2) 知床海水

北海道知床深海海水化淡,強調100%清純,含豐富維他命。



(3)
烏海山雪水

山形、秋山縣烏海山雪水做刨冰。高山的雪真比雪櫃的雪美味嗎?



(4)
甲子園泥土

甲子園泥土作紀念及招運用。(聽說甲子園的泥土部分來自福建)

Posted by 知日部屋屋主 | 評論(21) | 引用(0) | 閱讀(16602)
yesetw +
2019/02/10 20:02
柏堅 Homepage +
2010/07/22 02:42
從ca???ar的言論就可以得知,為甚麼中國人搞民主總是失敗,因為有太多奴才,以及太多人性的幻想。
crimson +
2010/07/21 22:22
說明了日本市場力量的發達吧
大家可以平常心看待啊
柏林圍牆的碎片、前東歐蘇聯的列寧銅像也是有在拍賣
pytfd +
2010/07/08 16:56
妥協便是政治
蘋果日報
2010年07月08日

澳洲前總理陸克文,上任時民望極高,因澳洲經濟近年幾倚賴商品市場之興旺,特別係中國對澳洲礦產之需求升跌,足以影響澳洲 GDP增長。陸克文精通中國語文,能與中國溝通,仲唔係做總理嘅適當人選?陸克文上台前,大力推動氣候法案,環保人士嗒晒糖,點知上台之後,方知講就易,做就難,環保人士大為不滿。佢又認為礦業興旺,可以開徵暴利稅,當然俾礦業大力反對又反對啦,邊個贏呀?商界囉,陸克文民望大跌,黨員不滿,上月黯然下台,副手吉利德就任總理,好快就與礦業傾掂達成協議,暴利稅已遭剔除。嘩嘩嘩,如果呢啲事在香港發生,仲唔俾人狂抦黑箱作業、官商勾結,吉利德女士為退休後做足工夫?
澳洲係唔係政治社會穩定嘅民主國家、東南亞人民希望移民嘅國家?係啦。都話咯,民主選舉國家最多政治妥協,選民不以為政治妥協係甚麼違反原則之事,有甚麼不滿,選民可以在下次大選投票,趕走現任政府。香港有人話民主黨投票贊成政改方案嘅議員,應該全部辭職,等候補選喎,根本係笑話,要趕佢哋走,還不容易,二○一二年就係機會嘞。美國之金融改革法案由民主黨眾議員 Dodd、 Frank兩位提出,初時遭受不少共和黨議員反對, Dodd話明為求取得足夠票數,乜都可以妥協,大前提只係不能呢方面得一票,另方面就失去一票,佢話到明:「唔會有人得到百分百嘅願望。」意思即係話人人都要 give and take,僵硬堅持者可以行開,或者堅決反對者可以繼續反對,一切等票數決定,美國議會有此妥協傳統,故此美國人對香港政改方案達成妥協,並不奇怪,駐港美國總領事仲要與傳媒會面,親自講贊成㖭。
公社聯盟之內,公民黨一班大狀,都係英文人,加埋反黨嘅民主黨元老李柱銘,個個都可以對住美國、英國、澳洲、歐盟嘅領事用英文解釋佢哋點解反對政改方案,不過外國人在妥協環境中成長,都怕幾難理解佢哋誓死反對,不肯妥協嘅道理。

(左丁山)
catstar +
2010/07/02 22:43
中國都有人賣黃河水.....

多得那班暴力的政治明星,所以本人完全不想關心政治
處處抗爭,每樣都反就會成事?
一個弱勢政府,只會更畏首畏尾,一事無成
香港的政黨,真的能出一個讓人臣服的政治領袖
還是只會在弱勢政府中抽水來吸納一班80後而已??
將來產生候選人的模式,
也請講解一下
是不是從而家HK那班都唔知佢做過D咩只知他們罵戰遊行好叻既議員?

每天除了鬧&叫口號
其他重點也請表明一下

將來那個民選特首,真的能支撐得起HK的經濟?
沒有背後的支撐,真能成事?
成見與飯碗,有得選嗎?

庸官貪官,港英政府都有吧
高地價是誰搞出來的?
poide +
2010/07/01 21:38
選舉見真章

蘋果日報
2010年07月01日

今日七月一日,例牌有遊行,劉慧卿最近頻頻被疑似社民連嘅年青人士「問候」,睇到不知是否真假的網上「強姦」恐嚇,照樣無畏無懼,今日一於跟隨民主黨參加遊行。睇吓點,唔係真係有人會衝擊民主黨呀?討厭民主黨與中央達成政改方案妥協者,大不乏人,好多人話對民主黨失望,但左丁山亦聽到沙田選民聲言以後會支持劉慧卿,不投「泛民」(如果呢個名詞仍然有效嘅話)。嗱,呢日就收到一位讀者 Rebecca電郵話:「 I am one of Tai Po residents, will vote for Emily Lau definitely」。左丁山敢大膽預測,卿姐到了二○一二年立法會選舉,會成為新界東吸票機器,更特別會成為女選民偶像。當然,講政治,一個禮拜已係長期,兩年後事情,誰敢咬實?
最快選舉之期,就係明年底區議會選舉,係民建聯/工聯會與民主黨/街工/職工盟之第一次政改後大對決。社民連與公民黨在社區素來冇乜組織,在明年區議會選舉,即使想加入爭位,並非容易,因為區議會選舉嘅選區細,候選人倚賴組織支持或平時嘅街坊關係、大廈/屋邨業主委員會支持等等,並非純粹講政治。
區議會在二○一二年有五席變相直選議席,佔新立法會議席百分之七,具戰略重要性,係兵家必爭之地,民主黨如果慘敗於民建聯/工聯會之手,即是「改良方案」為他人作嫁衣裳,自己播種,他人收割。何俊仁、李永達等人,當然知得多過我哋好多,作為溫和民主派支持者,希望佢哋不可掉以輕心,全力以赴。
在任何民主社會,政治妥協係家常便飯,好似克林頓咁,佢做總統之時,參眾兩院由共和黨把持,如果克仔唔係談判、妥協高手,點會做總統做得有聲有色?現在民主黨控制白宮及參眾兩院,佔盡多數,但奧巴馬仍然要與共和黨人達成若干妥協先至可以推行佢嘅改革。香港政治過往習慣對抗,僵硬,互不相讓,於是政府做事往往夾硬嚟。今次政改有對話有妥協,民主黨俾人鬧,事屬平常,最大之民意測驗,係 2012年立法會選舉,到時方見真章!

(左丁山)
poide +
2010/06/30 23:14
諜影重重

蘋果日報
2010年06月30日

明天就是七月一日,一年已過了一半,以往左丁山係打工仔之時,七月、八月就係放假之時,曾經試過幾年成個八月份都在東南亞嘅小島渡假,享受陽光與海灘,但自從成為自僱人士之後,每個月好似過得特別快,眨吓眼又要交租、交雜費,邊度有時間去外地放假一個月呀?
放假在海灘、泳池旁邊,懶洋洋,讀乜嘢好?唔會讀奧巴馬嘅《 The Audacity of Hope》,更唔會去啃格林斯潘嘅《 The Age of Turbulence》,最好就係揸住本余光中詩選與一啲間諜小說交替閱讀。讀詩可以洗滌腦筋,讀間諜小說可以令我哋知多啲呢個世界嘅殘酷現實,唔好儍儍地太過天真做人。著名英美暢銷流行小說作家有好多時間及經費做資料搜集、背景研究,寫小說情節雖然純屬虛構,但間諜鬥智之手法、手段及政治現實,有其所本,唔係亂咁作嘅,讀過十零本就知道英、美、法、以嘅情報機關嘅手法,雖各有不同,現實則一,就係為咗保護本國安全與經濟利益,可用盡權謀。
六月二十三日《蘋果》 A32版報導胡錦濤身邊嘅韓語繙譯張留成受南韓收買,向南韓洩露中共與金正日會談機密,已被處決。政治間諜往往潛伏在領導人身旁,最受信任的人可能就是敵人的間諜。同日《文匯報》內亦有一段間諜故事:「按住蔣介石脈搏的人」──記中共史上最牛女諜沈安娜。沈女士生於 1915年 11月, 1932年在上海讀中學結識中共黨員華明之, 1935年成為地下黨員,加入國民黨為速記員,因沈安娜專攻速記,每分鐘可記二百字,且字跡靚,於是好快就一級升一級, 1938年受周恩來、董必武指派,加入國民黨浙江省政府主席朱家驊部下,得朱信任,推薦做國民黨中常會蔣介石主持嘅會議做速記員,一路去到 1949年共產黨大勝,沈安娜先至悄然離開南京,加入中共嘅國家安全局。在任十一年間,國民黨中常會頭等機密,全部流入中共手中,國民黨猶懵然不知,內戰失利,自有其必然。呢位沈女士在今年 6月 16日逝世,台灣嘅國民黨裏面,今天有冇三幾位沈安娜呢?搞政治,不是純粹嗌吓口號,講吓甚麼理想或是謾罵他人!

(左丁山)
Shiro +
2010/06/30 18:25
老師好。很明白你的感受。那個轉肽方案,正常有思考力的人都不應該接受。空氣的話,也真的只有日本能造出這樣的商品然後能賣錢,要是中國弄一罐昆明山的空氣,賣不出是最可能的狀況,那麼巧賣得出去,要不就被山寨,要不就被河蟹。這就是made in Japan和made in China的根本分別。
anonymous +
2010/06/29 20:34
創意太強grin
琴吹七瀨 +
2010/06/29 14:49
>富士山空氣

德國柏林也有「柏林空氣」
不過志在紀念, 沒提及任何「特別功效」
一名80後青年 +
2010/06/28 23:17
題外話: 今日6, 7點左右見到一個好似吳博士閣下的男人gringrin
請問吳博士今日6,7點係咪去過大埔超級城呢??grin
知日部屋屋主 回覆於 2010/06/28 23:26
yes
Ray Tsang +
2010/06/28 03:57
七一出黎行啦!
Deb Homepage +
2010/06/26 21:23
中共就快要換屆現在內鬥激烈,主管香港事務的太子党習近平有可能做下屆國家主席.如果政改不通過, 會影響習太子在黨內的地位,逼習太子下毒手.
Deb +
2010/06/26 20:58
似乎屋主的怨氣好重.grin

現時中共可以下臺階,香港也爭取到比原來好少少的政改方案,比寸步不讓逼中共下毒手要好.
與中共對抗只能智取不能硬攻,因為實力相差太懸殊了. 中共只會比香港鵜飼民主.
知日部屋屋主 Homepage +
2010/06/26 19:53
香港新意念商品
(1) 旺角空氣/怨氣
(2) 維港105%純水
(3) 起錨bowtie
Deb Homepage +
2010/06/26 19:44
我覺得係搵笨
(1) 富士山空氣
無語…

(2)知床海水
能海水化淡同時保留海水中的維他命,我相信係火星科技.
http://zh.wikipedia.org/zh/海水淡化

(3) 烏海山雪水
那些雪有酸雨加上中國大陸飄過去的污染物(沙塵暴,工業污染),死左都唔知咩事.

-------------------
民主黨有可能同公民黨社民連一齊做戲,可以繼續聽其言觀其行,不要太快下結論.
琛 +
2010/06/26 19:19
其實在我個人眼中,不少富人的衣食住行用的本來就很奇怪,只是有不少都被多數人接納然後合理化而已。

要說喜歡這些商品是喜歡它的怪奇,不如說是喜歡它的獨特,能捉到這些花得起錢的人喜歡甚麼獨特事物,某程度在商業上也是一種學問。
冰彗 +
2010/06/26 18:37
日本是有不少奇怪的商品,甚至是奇怪口味的食物亦很多。不斷有新的發明是一件好事來的,如最近這幾年推出的帶型膠水baghanger等等,個人認為是很方便的新製品
shy
分頁: 1/1 第一頁 1 最後頁
發表評論
表情
emotemotemotemotemot
emotemotemotemotemot
emotemotemotemotemot
emotemotemotemotemot
emotemotemotemotemot
emotemotemotemotemot
emotemotemotemotemot
emot
開啟HTML
開啟UBB
開啟表情
隱藏
記住我
暱稱   密碼   訪客無需密碼
網址   電郵   [註冊]