作為一個小克Fans，還未買他的新作--<愛令我變炭>， 好像有點過意不去。但最近他的周邊商品(特別是限量版的)越出越多，光是訂購和特登請假去排隊換購，已花了不少(返工)時間和金錢，真要高呼一句"愛令我變窮"!
以下是最初公佈只有中環超群有售，且火速完售而必須訂購才買得到的限量曲奇，這還是我某天請了下午假出中環領取訂購品的。事隔數天才知道旺角店也開始有售，而且加錢可換購超限量版曲奇色聾貓公仔，還可儲印花以半價換購24吋大聾貓...真想說句︰有冇搞錯!
(上圖)原來會有五款，但暫時只出品了三個款，超得意!
(上圖)連曲奇都係聾貓樣，死未?!
(上圖)中間果隻就係超限量(而且冇得訂)的曲奇色聾貓公仔的其中一款(另有一款已於第一日的短短一個下午換哂...)，仲要係男朋友下午特登請假去排隊換購的，Crazy!!!
左右兩隻係聖誕新品，圖右的Amanda公仔本來已經買左，但貪佢下面個朱古力盒仔靚...就買了。至於圖左的肥聾貓造型簡直係my favorite!
(上圖)呢幾件係之前間中路過Panda-a panda時買的戰利品，下一個目標係24吋大聾貓!!!
做小克Fans，想唔窮都幾難...