跳躍大搜查線
在「The Moive 2 封鎖彩虹橋」中，提到有一張照片室井同青島在一艘潛水艦前握手合照，新聞組上有討論：
「除了君塚良一之外應該無乜邊個知......
一般大搜查迷所知o既就係，潛水艦事件係發生o係電影版一同二之間，時間約為電影版二之兩年前，並由青島同室井聯手解決o左，就係咁多......
仲有，潛水艦事件係未知發生過乜o野事，所以唔一定係殺人事件，根據神田署長o既筆記，好似係青島同室井阻止o左一場大災難發生。」
「我只係諗，要由搜查一課設立本部的案件，好似全部都係殺人案，所以先會有"潛
水艦殺人事件" 呢個題目。」
「根據室井o既升遷記錄，潛水艦事件發生時室井應該係警察大學教官或者係警察廳刑事局刑事企劃課課長補佐期間，所以未必有成立搜查本部，而且就算有成立，上次副總
監單o野咪一樣有成立搜查本部，因為根據日本都道府縣警制，只要係重大案件，各間總公司(即係東京都警視廳、北海道道警本部、各府縣警本部及縣警本部)都可以查，唔一定係殺人案o架！」
分類: 劇集殘片 Posted by GTO at July 28, 2004 11:40 PM
