(前言：這幾天忘於公事，沒有新文章，令本站的光顧人仕大感失望，所以特利用今天的工作時間寫回近幾天重溫的極惡會社事件之一。)
(因筆者記憶力衰退，內容未免有所缺失，如果你記得當中的細節，請不嗇留言回覆補完內容，謝謝!!)
(附註：包書膠事件有中大版及聯校版兩個不同版本，敬請留意。)
事緣二零零x年x月，動漫畫研究社一年一度的盛事──諮詢大會上，諮詢的對象是動漫畫研究社第八屆候選幹事會「Sum 羅漫象」，會眾中老鬼及現任幹事會幹事佔多數。
會眾中其中一名現任幹事會幹事，人稱「廢莊尼」，外號「界女王」、「攝石人」...... 等，引發出是次「包書膠事件」，成一時佳話。過程記錄如下：
廢莊尼：你o地買書o既政策會係點？會買幾多日本漫畫？幾多香港漫畫？
(候選幹事會回答。)
廢莊尼：咁日本漫畫入面有幾多會係少年漫畫？幾多係少女漫畫？幾多係 BL 漫畫？同其他？
(候選幹事會回答。)
廢莊尼：咁買o既漫畫入面有幾多會係新漫畫？幾多係二手漫畫？
(候選幹事會回答。)
廢莊尼：咁買新o既漫畫會唔會好貴？又買二手漫畫又會唔會唔夠 update？
(候選幹事會回答。)
廢莊尼：咁你o地買o既漫畫會唔會包 (指用包書膠包好封面)？
(候選幹事會回答。)
廢莊尼：咁你o地會包新o既漫畫？定係舊o既已經有o既漫畫都包？
(候選幹事會回答。)
廢莊尼：新o既漫畫多人會睇要包，但係舊o既漫畫唔包又驚佢甩皮甩骨，尤其是港漫更是一大問題，你o地會點解決？
(候選幹事會回答。)
廢莊尼：(懶醒咁樣) 我睇你o地o既財政預算，發覺唔到你o地有錢去買包書膠，咁o的錢o係邊度撥過o黎？
候選幹事會回答財政預算中雜費有 $50 可以用作買包書膠。
廢莊尼：咁你o地有冇計過 $50 可以買到幾多呎o既包書膠呢？又咁多呎o既包書膠又可以包幾多本書呢？
(候選幹事會回答。)
廢莊尼：(依然懶醒咁樣) 咁你o地會去 mark sponsor，有冇諗過去一o的文具店 mark sponsor 時可以 mark 包書膠做 sponsor？我認為呢個建議可行。
老鬼 Cybaster：唔好咁煩o勒!! $50 之嘛，我豪俾你啦，唔好再煩包書膠呢個問題啦!!
(全場一陣起哄......!!)
分類: 極惡會社 Posted by GTO at August 20, 2004 11:13 PM佢仲糾纏左好耐我先出聲架..
Posted by: cybaster at August 22, 2004 5:20 PM