Home > 暗黑世界 > 辦公室事件處理案例-公司旅行扣假

辦公室事件處理案例-公司旅行扣假

b:昨天聽到a話如果唔去公司旅行就要扣大假,聽後我好嬲,邊有公司咁小家架?待怒氣減退了,我便去搵阿姐傾計。
b:我知道如果唔去旅行就要扣假,我想知咩原因公司有咁既決定?
a:以往無人試過唔join公司旅行,呢啲係公司既rule,唔去旅行係要扣假。
b:點解扣假?我可以返工的。
a:但公司有security system,只有四個keep匙人,你返工就要其中一個返來開門比你。
b:咁可唔可以比我keep匙一次?
a:唔係咁方便。 公司咁多年未試過有人唔去旅行,下年有同事又係咁點辦?如果公司今年do your favor,相反你都要為公司著想下。
b:但呢個係兩個issue,首先我係可以返工的,只係我入唔到公司,咁係另一個issue。
a:旅行係公司比你地既benefit,希望每個同事都join。
b:如果旅行係公司比我既benefit,咁點解我無得去仲要扣我假,減我既benefit?而家係因為我要返學所以去唔到,唔係我唔想去又或者專登唔去。
a:要對其他同事fair。
b:如果係fair,點解大家都唔係公司做野,我就要扣假,而其他人唔洗?
a:如果唔扣假,扣錢好似唔係咁好。
b:扣錢同扣假無分別。
a:咁啦!你諗下有無一個兩全其美既辦法?我會同老細傾下,如果都係無辦法,最終都會stick to扣假。

以上是某朋友send來要我幫忙看看怎搞的.
這實在是絕佳的一個case study.
本來想post出來可能不大好,但一來此blog人流甚少,二來又沒有透露人名公司名,應該不會有問題吧?

好,開始拆解.
起因
b想不去公司旅行,但a卻堅持扣假.
目的
b成功不去旅行而又不用扣假.
背景
從對話看來,事發公司規模不大,hr方面沒有很完善的應變措施,屬偏向人治的管理模式.
關鍵
從對話看來,a明顯比較高級,在人治的公司中掌握著整件事的成敗.
性格
a看起來沉著冷靜,嘗試以理服人,甚有大將之風.
b本來就無名火起,越問越有火,本來有自己的道理,但eq影響下將自己的道理變為歪理,令自己變成理虧的一方.
立場
處理人事問題時,一定先要理解自己和對手的立場.
a比b高級,b在向上級提問時一定不能措詞過於強硬,與上司作對與公司作對,只會令自己的日子更難過,最後走上自動離職之路.
尤其是在關鍵掌握在人家手中之時,就算人家踩住你的腳,也要忍著痛笑出來,笑到他肯停為止.

從第一句開始,b就觸礁了,竟然問出一句:"咩原因公司有咁既決定",公司的決定就是公司的決定,英文是company policy,公司的決定一定有其背後的原因,亦不輪到一般員工去challenge,這是天條.
別忘了是誰資人工給你的.
"keep匙",一條匙能將整間公司的秘密公開,你是老闆會給個普通員工keep嗎?
"可以返工",亦是無力的argument,假設我星期六日都很得閒,都可以返工,是不是公司就應該資我人工(不扣假)?
很明顯這兩者並沒有因果關係,必須要配合"必要性"才能決定.
到下半部b才說到重點,講出自己並非特意不去的.
而b的argument亦開始合理,提出了"這並不公平"的決定性論點.
可是憑著這樣強硬的態度,一般management已不會再聽你的偉論浪費時間.
幸而a還是十分容忍,提出很有建設性的建議,就是"有沒有更好的處理方案".

理想方案
作為b一開始時,應該要明白上面所述的各點,採婉轉懷柔的態度,說明自己"很想參加旅行","要上堂","沒有得去是個大損失","曾經嘗試過改上堂時間",令自己表面上看來在吃虧的位置,實行動之以情.
(這些事就算是弄虛作假亦沒有所謂,全部只是個人才會知道真相,可隨便創作.)
這樣做,一來加同情分,二來人家亦明白你一心要配合公司的想法,是個值得特別照顧的好員工.
然後再說之以理,用"這並不公平","其實是為公司省了錢"作為理據,令人覺得公司方面其實是賺了.
再乘以往沒有先例,定下一個繼往開來的"雙贏"先例-就是不去公司旅行的人不用扣假.

收拾殘局
很明顯理想方案只是事後孔明,馬後炮到不得了.
現在的情形,最重要的就是找出一個"兩全其美既辦法".
理虧的一方,已種下禍根,肯定不能全身而退,唯有選擇"投降輸一半"的打法.
在一間公司內,一定有些人是你可以叫得動的,當然最好是有權有勢的人.
可以試找一下老細/老細心腹/幾個其他同事談談,求求情.
人多好辦事,加上有道理的話,一定會有肯支持你的人.
求情時提出"扣一半"的提議,雖然最壞的情況是全軍覆沒,但起碼還有"贏一半"或"大獲全勝"的機會.

最壞的方案
最差的處理手法之一是訴諸勞工處...這個...贏了世界又如何?
最差的處理手法之二是將事件作為敵對派系的話題,引敵對派系出手相助,對a施壓.
此舉可大可少,隨時由"扣假"upgrade成"大信封",看不懂戰局的人切勿投身火海...

寫到手軟,希望我的拆解能幫到其他人.
亦希望看倌們了解多一點"辦公室政治".

Comments:1

chi 2007-07-18 (Wed) 00:41

我都似係b個種人啦~ 不過我可能會諗住唔arm咪唔撈囉~咁, 橫店公司咁頑固, 冇進步呀!! heheee

Comment Form
Remember personal info

Trackback:0

TrackBack URL for this entry
http://www.cuhkacs.org/mt/mt-tb-cuhkacs.cgi/2733.
Listed below are links to weblogs that reference
辦公室事件處理案例-公司旅行扣假 from 夜神的幽玄之間

Home > 暗黑世界 > 辦公室事件處理案例-公司旅行扣假

Search
Feeds

Page Top