約好在這個世界一起逛

DETROIT METAL CITY
作者：若杉公德
出版：玉皇朝出版有限公司

好耐無評論日漫，昨天聽GTO說有一本好正的日漫，今日借黎睇，睇左兩期，就忍唔住要講一講。呢本《爆粗BAND友》其實在上兩三個星期在報攤見到時經已想買，因為個名實在太仆街。但係最後忍左手，今日拎左返黎睇左兩期，就發覺真係好搞笑。

以下係18禁的，要開就請你確定自己夠秤。「醒定D呀仆街！」


呢本野係講主角根岸由鄉下出到東京讀大學然後發展佢的心願－－唱輕情歌唱到出位。結果梗係唔成功啦，如果咁理想，邊有戲做？而結果就係佢無啦啦成為左HEAVY METAL的主音歌手KRAUSER，仲要係上晒位嗰隻。去到TRACK10時就更加取代左JACK成為HEAVY METAL的帝王，甚至乎只要一聽到佢自己隊樂隊DMC的歌，縱然佢仲係根岸的身份，都會突然KRAUSER上身，狂性大發。但係好明顯，根岸係好唔情願的。從個故事結構黎睇，呢個故仔同《EYE SHIELD 21》無乜分別，瀨那同佢一樣，其實只係想在高中有正常社交生活，可惜無啦啦又成為左美式足球隊的英雄，甚至一拎到個波就會突然勁左……

呢本野點解咁值得一提，係因為呢本野相當夠薑，佢係第一本我在中文版日漫用字用得咁露骨的書，DMC的歌名賤到爆：隊冧佢、強姦果條女、死亡陰莖、去死吧、死亡陰道、豬乸交響曲等等。唔止歌名，書裏面連歌詞都係好賤，亦照出如儀：係我面前跪拜o既女人……露出你個西吧、噚日搞我老母，聽日插埋我老豆，隊冧佢隊冧佢隊冧佢隊冧佢隊冧佢隊冧佢、插入插入屎眼和嘴巴也插入，插入插入鼻哥耳朵也插入，而強姦果條女裏面就更加有一項絕招：一秒唱十句強姦。除此之外，呢本野出現fuck的字眼亦係我睇咁多漫畫以黎最多的一本，甚至唔駛用fuxk，而係直接的fuck，可謂勁。

我唔知道HEAVY METAL係咪真係咁，係唔係都FUCK一餐，反正我都唔X知道呢D音樂係點，不過對於我呢一類讀者黎講，真係夾BAND係咪咁都唔重要，我只係知道書中的HEAVY METAL的確好反社會反建制同夠暴力，總之破壞力十足。不過比起主角HEAVY METAL，我更加投入的係TRACK 23 & 24的兩篇HIP HOP，因為平時我間中都RAP下玩下，而且好佩服翻譯嗰條友係都做得相當唔錯，最少大部份RAP對白都真係RAP得出黎的，OH..吓….YOYO!!!!

呢本野好多笑料，SM、男男、殺警、老強女警等等就梗係少不免。(注意：其實所有野都係無做到出黎，主角根岸仍然係純情青頭仔一名)其中有兩條橋係好令我印象深刻的：一段係KRAUSER強姦東京鐵塔，最後落雨令大家覺得係鐵塔高潮；第二段係根岸同心上人相川唱K，點知聽到DMC的歌突然KRAUSER上身，相川叫佢冷靜，根岸竟然向佢吐口水，然後扮係嘔吐矇混過關。

不過，似乎都係由你地自己去睇，搵你覺得最好笑的一段啦。